Da neiche Chorleiter

Die Maxi stöllt’s eich vor,
woar ba uns Chormoasterin  20 Joahr.

Und heut möcht i eich derzäl’n’,
wia die G’schicht in den Aunfängen  is g’wein.

Wal oans wor daumols g’wiss,
dass a Frau beim Männerchor nix is.

Es is in 89er Johr  g’wein,
do hot da Holzer Martin ols Chormoasta  net mehr mög’n.

40 Joahr hot er g’sogt san g’nua.
I leg in Taktstock hin und gib a Ruah.

Und des woa domols für die Sänger a kloans Malheur,
wal a neicha Chormoaster muaß daun her.

Da Pollross Koarl hot g’sogt i tat wem wissen,
die Lage is dou net so besch…(eh scho wiss’n)…

A Neuberga is net,
oba hauptsoch wenns mit’n Chor wieder weida geht.

Na va Mürzzuaschlog is a holt,
recht fesch und a nau goar nit old.

Maxl hoast a, sog daunn da Koarl weida,
und g’hört hob i  es war a gaunz a g’scheida.

Und waunn eich  Sängern dies is recht,
sog i, dass er vorbeischaun möcht.

Und wia der neiche Chormorster is daunn kumman,
hot’s ba die Sänger geb’n a Brummen.

Denkt hätt’n s dies wohl nie,
der neiche Chormoasta wor a Sie.

A so a Schaund i holts net aus,
a Chormoastarin des is a Graus.

Mir is wurscht wias weida geht,
an so an Schaß, denn sing i net.

 Das so wos gibt und überhaupt,
a Frau ols Chormoaster,  is dies wu'l erlaubt?

So hot maunch  oana daumols protestiert.
Heut hobn’s olle schon kapiert.

Das unser Maxi a „Goldgriff“  wor
und a Segen für’n ganzen Chor.

Sie hot ihr Wissen und  Erfohrungen vom Sängerlebn
an ihre Sänger weitergeb’n.

Wor ols Chormoastarin a Ass
und dabei bei jeden Spaß.

Aufopferungsvoll hot si Joahr für Johr,
geleitet und geprägt den Chor.

A jeda hot die Maxi  gern,
na dass auf g’hört hot, mia könnt’n  röhr’n.

Uns is ober a gewiss,
dass im Leb’n die Gsundheit des Wichtigste is'.

Mia san ihr a desweg’n a net  bös,
nur ban neichn Chormoasta a weing nervös.

Und legt die  Maxi  die Stimmgobel   jetzt  hin,
 ba uns  bleibt’s  immer  im Herzen drin.